Contoh Pidato Bahasa Bali

Payembrahma

Utawa Dharma Gita

Om Swastyastu,

            Mapurwaka antuk pangatsuri “Om Swastyastu”, “Om Awignamastu” jagi iring titiang ida dane ngastawa ring Ida Sanghyang Widhi Wasa, dumogi peparumane sakadi mangkin prasida mangguhang labda karya sidaning don.

            Taler titiang nenten lali ngaturang suksemaning manah santukan ida dane para pamilet sinamian sampun parama ledang ngarauhin uleman titiang sajeroning jagi maosang utsawa Darma Gitane sane jadi rauh.

            Para pamilet utsawa Darma Gita sane kasumayang titiang, sadurunge titiang nglantur matur, lugrayang titiang nguningayang amatra indik Darma Gita punika. Sane mawasta gita punika suara suci manut daging-daging agama ( darma ). Suara suci punika kambil saking pustaka suci utawi weda, wenten sane marupa kekawin kidung, miwah geguritan. Punika pinaka sarana anggen ngeningang kayun anggen ngrereh “santi” utawi kadegdegan kayun, utamannyane ring sang seneng magita utawi seni magegitan. Seni punika nenten ja seni tari utawi seni sesolahan kewanten, taler kekawin, kidung, geguritan lan mamutru punika ngranjing bacakan seni sane mawasta seni suara sane lumrah kabaos darma gita.

            Inggih ida dane para pamilet peparuman sane wangiang titiang, wantah kadi punika amatra indik atur piuning titiang, satmaka titiang nasikin segara, manawi wenten makakirang langkung atur titiang, miwah kekirangan sane siosan sane nenten matur ring arsa titiang nunas geng pangampura.

            Dumugi utsawa Darma Gita punika mamargi becik tur rahajeng.

            Om Santhi, Santhi, Santhi Om.

kevin-oka (berbagi). All Right Reserved